IGITEKEREZO CY'UMUSHINGA
ITANGAZO RIHAMAGAZA IMISHINGA IZATERWA INKUNGA BINYUZE MU MUSHINGA KIIWP2- RAB SPIU/ IMISHINGA ITERWA INKUNGA N’IKIGEGA MPUZAMAHANGA CYO GUTEZA IMBERE UBUHINZI N’UBWOROZI (IFAD).
Kilimo Trust ku bufatanye n’Ikigo cy’Igihugu Gishinzwe Guteza Imbere Ubuhinzi n’Ubworozi (RAB) na Minisiteri y’Ubuhinzi n’Ubworozi (MINAGRI) binyujijwe mu mushinga wa KIIWP2 uterwa inkunga n’ikigega mpuzamahanga gushinzwe iterambere ry'ubuhinzi (IFAD), irahamagarira abahinzi ku giti cyabo, amatsinda y’abahinzi, amakoperative, abikorera (Companies) bakorera mu karere ka Kayonza bafite imishinga ikeneye inkunga nyunganizi mu ruhererekane nyongeragaciro rw’ibihingwa bikurikira: Ibigori, Soya, Ibishyimbo, ibijumba, ibirayi, imyumbati, umuceri, imboga n’imbuto.
Imishinga izahabwa inkunga nyunganizi igomba kuba ijyanye no:
- Kubaka ubuhunikiro bufite ubushobozi bwo guhunika umusaruro uri hejuru ya toni igihumbi na magana atanu (>1,500 tones) uturuka mu bahinzi bato kandi uteganywa kujyanwa ku isoko ry'ibiribwa
- Kubaka uruganda ruciriritse rujyanye no gutunganya umusaruro w’ubuhinzi (Medium processing plant)
Imishinga ine (4) niyo izahabwa inkunga nyunganizi, ni imishanga yateguwe gukorera mu karere ka Kayonza. Imishinga isaba inkunga nyuganizi yuzuzwa kandi ikoherezwa hifashishijwe ikoranabuhanga uhereye taliki 15/05/2026 kugeza taliki 29/05/2026.
Uwifuza kohereza ubusabe akanda ahanditse "Reba ibisabwa"
Imishinga izakirwa ikemezwa ko ihuye n’intego za KIIWP2 ba nyirayo bazamenyeshwa icyiciro gikurikira.
Ukeneye ibindi bisobanuro yahamagara kumurongo wa Tel: +250 780 208 285 kuva kuwa Mbere kugeza kuwa Gatanu saa 09:00 AM kugeza 05:00PM.
Murakoze.
IBYICIRO BY’ISHORAMARI N’INGANO Y’INKUNGA NYUNGANIZI IHABWA IMISHINGA
AMAHIRWE 1 : Inganda ziciriritse (Medium processing plant)
a. Ishoramari ryemewe: Inganda ziciriritse zijyanye no gutunganya umusaruro w'ibihingwa bikurikira: Ibigori, Soya, Ibishyimbo, ibijumba, ibirayi, imyumbati, imboga n’imbuto.
b. Abemerewe gusaba: Koperative z’abahinzi, ibigo by’ubucuruzi bushingiye ku buhinzi (agribusiness companies), ndetse n’ihuriro ryabikorera na makoperative (joint ventures) bakora ibijyanye n'ubuhinzi.
c. Ingano y’inkunga nyunganizi: 40% y’inkunga nyunganizi ku bigo by’ubucuruzi (agribusiness companies ) n’ihuriro ryabikorera na makoperative (joint venture), na 50% kuri koperative.
d. Ingano ntarengwa y’inkunga nyunganizi: Amafaranga y’u Rwanda 217,550,000 ku bubiko bunini bufite ubushobozi bwa toni 1500 kuzamura no ku nganda nto zitunganya umusaruro (MSP).
e. Inkunga ku bwishingizi bw’ibihingwa: Abasaba bari muri iki cyiciro bemerewe kandi inkunga ya 40% ku bigo byabikorera (companies) n’ihuriro ryabikorera na makoperative (joint venture), na 50% kuri koperative, yo gufasha kwishyura ubwishingizi bw’ibihingwa, ku rugero ntarengwa rwa 7,251,500 Frw.
AMAHIRWE 2: Ubuhunikiro bunini bufite ubushobozi bwo kwakira nibura toni (1500) kuzamura
a. Ishoramari ryemewe: Ubuhunikiro bunini bufite ubushobozi bwo kwakira nibura toni (1500) kuzamura k'umusaruro w'ibihingwa bikurikira: Ibigori, Soya, Ibishyimbo n'umuceri.
b. Abemerewe gusaba: Koperative z’abahinzi, ibigo by’ubucuruzi bushingiye ku buhinzi (agribusiness companies), ndetse n’ihuriro ryabikorera na makoperative (joint ventures).
c. Ingano y’inkunga nyunganizi: 40% y’inkunga nyunganizi ku bigo by’ubucuruzi (agribusiness companies ) n’ihuriro ryabikorera na makoperative (joint venture), na 50% kuri koperative.
d. Ingano ntarengwa y’inkunga nyunganizi: Amafaranga y’u Rwanda 217,550,000 ku bubiko bunini bufite ubushobozi bwa toni 1500 kuzamura no ku nganda nto zitunganya umusaruro (MSP).
e. Inkunga ku bwishingizi bw’ibihingwa: Abasaba bari muri iki cyiciro bemerewe kandi inkunga ya 40% ku bigo byabikorera (companies) n’ihuriro ryabikorera na makoperative (joint venture), na 50% kuri koperative, yo gufasha kwishyura ubwishingizi bw’ibihingwa, ku rugero ntarengwa rwa 7,251,500 Frw.
IBISABWA KU BAZASABA
A) Amakoperative
1. Ibaruwa yasinywe n’abanyamuryango bose yemeza ubushake bwo gushora imari bafatanyije
2. Indangamuntu y’ubahagarariye
3. Icyemezo cya RCA
4. Icyangombwa cy’ubutaka kibabaruyeho
B) Ibigo by’ubucuruzi (agribusiness companies)
1) Indangamuntu y'uhagarariye ikigo
2) Icyemezo cya RDB
3) Icyangombwa cy’ubutaka kibabaruyeho
4) Amasezerano hagati y'ikigo n'abahinzi
5) Icyangombwa kigaragaza uburambe butari munsi y'imyaka 3 akora mu ubuhinzi
C) Ihuriro ryabikorera na makoperative
1. Ibaruwa yasinywe n’abanyamuryango bose yemeza ubushake bwo gushora imari bafatanyije
2. Indangamuntu y’ubahagarariye
3. Icyemezo cya RCA
4. Icyangombwa cy’ubutaka kibabaruyeho
5) Amasezerano hagati y'ihuriro n'abahinzi
6) Icyangombwa kigaragaza uburambe butari munsi y'imyaka 3 akora mu ubuhinzi
ICYITONDERWA
1) Ubutaka bugomba kuba buherereye mu karere ka Kayonza kandi bubaruye ku mazina ya nyirumushinga
2) Kubaka ubuhunikiro bunini biguha amahirwe
ANDI MAKURU YINGENZI
1. Abemerewe bazasinyana amasezerano y’inkunga nyunganizi na Kilimo Trust.
2. Uwasabye agomba gutanga uruhare rwe mu mezi abiri(2) uhereye igihe amasezerano asinyiwe.
3. Inkunga itangwa nyuma yo kugenzura ibikorwa.
4. Uwasabye inkunga nyunganizi na Kilimo Trust bazishyura rwiyemezamirimo (contractor/supplier) watoranijwe n’uwasabye inkunga nyunganizi.
Itariki ntarengwa yo gutanga ubusabe: 29/05/2026