IGITEKEREZO CY'UMUSHINGA
ITANGAZO RIHAMAGAZA IMISHINGA IZATERWA INKUNGA BINYUZE MU MUSHINGA KIIWP2- RAB SPIU/ IMISHINGA ITERWA INKUNGA N’IKIGEGA MPUZAMAHANGA CYO GUTEZA IMBERE UBUHINZI N’UBWOROZI (IFAD).
Kilimo Trust ku bufatanye n’Ikigo cy’Igihugu Gishinzwe Guteza Imbere Ubuhinzi n’Ubworozi (RAB) na Minisiteri y’Ubuhinzi n’Ubworozi (MINAGRI) binyujijwe mu mushinga wa KIIWP2 uterwa inkunga n’ikigega mpuzamahanga gushinzwe iterambere ry'ubuhinzi (IFAD), irahamagarira abahinzi ku giti cyabo, amatsinda y’abahinzi, amakoperative, abikorera (Companies) bakorera mu karere ka Kayonza bafite imishinga ikeneye inkunga nyunganizi mu ruhererekane nyongeragaciro rw’ibihingwa bikurikira: Ibigori, Soya, Ibishyimbo, ibijumba, ibirayi, imyumbati, umuceri, imboga n’imbuto.
mishinga izahabwa inkunga nyunganizi igomba kuba ijyanye no:
- Kuhira ku buso buto hakoreshejwe imirasire y’izuba cyangwa moteri
- Imashini zifashishwa mubuhinzi
- Kubaka ubwanikiro bw’ibigori (drying shelter) bugamije gufataneza umusaruro
Imishinga izahabwa inkunga nyunganizi ni imishanga yateguwe gukorera mu karere ka Kayonza. Imishinga isaba inkunga nyuganizi yuzuzwa kandi ikoherezwa hifashishijwe ikoranabuhanga uhereye taliki 04/05/2026 kugeza taliki 29/05/2026.
Uwifuza kohereza ubusabe akanda ahanditse "Reba ibisabwa"
Imishinga izakirwa ikemezwa ko ihuye n’intego za KIIWP2 ba nyirayo bazamenyeshwa icyiciro gikurikira.
Ukeneye ibindi bisobanuro yahamagara kumurongo wa Tel: +250 780 208 285 kuva kuwa Mbere kugeza kuwa Gatanu saa 09:00 AM kugeza 05:00PM.
Murakoze.
IBYICIRO BY’ISHORAMARI N’INGANO Y’INKUNGA NYUNGANIZI IHABWA IMISHINGA
AMAHIRWE YA 1: Kuhira ku buso buto
a. Ishoramari ryemewe: Kuhira hifashishijwe utuyoboro/udutiyo duto (Drip irrigation), Kuhira hakoreshejwe imashini zisuka amazi nk’imvura (Sprinkler irrigation), Kuhira hakoreshejwe imiyoboro ifite imiryango igenzura amazi (Gated pipe system), Ibikoresho byuhira bisuka amazi nk’imvura (Rain hose), Ibikoresho byimukanwa bisuka amazi mu murima nk’imvura (portable rain gun).
b. Abemerewe gusaba: Abahinzi ku giti cyabo, amatsinda, amakoperative, cyangwa ibigo by'ubucuruzi bikorera mu Karere ka Kayonza.
c. Ingano y’inkunga: 70% ku bagore n’urubyiruko, 50% ku makoperative, amatsinda n’abagabo barengeje imyaka 30, na 40% ku bigo by'ubucuruzi.
d. Ingano ntarengwa y’inkunga nyunganizi: 10,150,000 Frw ku bagore n’urubyiruko; 7,250,000 Frw ku makoperative n’amatsinda, na 5,800,000 Frw ku bigo by’ubucuruzi.
e. Umubare w’imishinga: Nibura imishinga 25.
AMAHIRWE YA 2: Gukoresha imashini zo mu buhinzi (Mechanization)
a. Ibihingwa birebwa: Ibigori, soya, ibishyimbo, ibijumba, ibirayi, imyumbati, umuceri, imboga n’imbuto
b. Ingano y’inkunga: 70% ku bagore n’urubyiruko , 50% ku makoperative n’amatsinda , 40% ku bigo
c. Ingano ntarengwa: 10,150,000 Frw ku bagore n’urubyiruko , 7,250,000 Frw ku makoperative , 5,800,000 Frw ku bigo
d. Ishoramari ryemewe: Imashini n’ibikoresho by’ubuhinzi (gutegura ubutaka, gutera, kurinda imyaka, gusarura n’ubwikorezi)
e. Abemerewe gusaba: Abahinzi, amatsinda, amakoperative, ibigo byubucuruzi
f. Umubare w’imishinga: Nibura imishinga 25.
AMAHIRWE YA 3: Inyubako z’ubwanikiro.
a. Ibihingwa byemerewe: Ibigori na soya.
b. Ijanisha ry’inkunga: 50% y’ishoramari.
c. Ingano ntarengwa y’inkunga: FRW 14,503,500.
d. Ishoramari ryemewe: Inyubako z’ubwanikiro (hangari) zujuje ubuziranenge
e. Abemerewe inkunga: Amakoperative y’abahinzi b’ibigori na soya akorera mu Karere ka Kayonza.
IBISABWA KU BAZASABA
A) Abahinzi ku giti cyabo
1) Ibaruwa isaba
2) Ifishi yemeza ubushake
3) Kopi y’indangamuntu
4) Icyangombwa cy’ubutaka cyangwa amasezerano y’ubukode nibura imyaka 5
B) Amakoperative
1. Ibaruwa yasinywe n’abanyamuryango bose yemeza ubushake bwo gushora imari bafatanyije
2. Indangamuntu y’ubahagarariye
3. Icyemezo cya RCA
4. Amasezerano y’ubukode bw’ubutaka agomba kuba atari munsi y’imyaka itanu (5) uhereye igihe ubusabe bwatangiwe
C) Ibigo by’ubucuruzi
1) Indangamuntu z’abafatanyabikorwa
2) Icyemezo cya RDB
3) Amasezerano y’ubukode bw’ubutaka agomba kuba atari munsi y’imyaka itanu (5) uhereye igihe ubusabe bwatangiwe
ICYITONDERWA KU BUTAKA
1) Bugomba kuba buri muri Kayonza
2) Kuba bufite icyangombwa cyemewe
3) Bufite amasezerano y’ubukode agomba kuba atari munsi y’imyaka itanu (5) uhereye igihe ubusabe bwatangiwe.
ANDI MAKURU YINGENZI
1. Ubutaka bugomba kuba buherereye mu Karere ka Kayonza.
2. Abemerewe bazasinyana amasezerano y’inkunga na Kilimo Trust
3. Uwasabye agomba gutanga umusanzu we mu mezi 2
4. Inkunga itangwa nyuma yo kugenzura ibikorwa
5. Uwasabye inkunga na Kilimo Trust bazishyura rwiyemezamirimo (contractor/supplier) watoranijwe n’uwasabye inkunga.
Itariki ntarengwa yo gutanga dosiye: 29/05/2026